युएर्इ : एसिया कपको जारी खेलमा कुनै चमत्कारिक खेल नदेखिए पनि अफगानिस्तानका लागि भने विशेष रह्यो । तेस्रो खेलमा अफगानिस्तानले श्रीलंकालाई ९१ रनले हराएपछि नै उक्त खेल दुबै देशका लागि अविष्मरणीय बन्यो ।
वान डे क्रिकेट अन्तरगत श्रीलंकालाई अफगानिस्तानले पहिलो पटक हराएको हो । यही कारण पनि अफगानिस्तानको क्रिकेट टीम र समर्थकले विशेष रुपमा विजय उत्सव मनाए ।
बलियो टीम मानिएको श्रीलंका भने अफगानिस्तानसँगको हारसँगै खेल चरणबाट बाहिरिनु पर्यो । पाँच पटकको च्याम्पियन श्रीलंका नै खेल चरणबाट बाहिरिने पहिलो टीम बन्यो । अफगानिस्तान भने सोही जितबाट ग्रुप बी बाट सुपर–४ मा पर्न सफल भएको हो ।
उक्त खेलपछि अफगानिस्तानका खेलाडी र समर्थकले श्रीलंकाविरुद्धको खेल आफ्नो देशको नै ऐतिहासिक खेल भएको प्रतिक्रिया दिएका छन् । सामाजिक संजाल प्रयोगकर्ता
तथा अफगानी क्रिकेट खेलाडी तथा समर्थकले श्रीलंकासँगको त्याे खेल कहिल्यै बिर्सन नसक्ने टिप्पणी गरेका छन् ।
प्रतिक्रिया दिनुहोस !
