काठमाडौं : होचापुड्का अपांगता भएका व्यक्तिले देशभरीका १ सय ५२ मेडिकल सेन्टरमा निशुल्क स्वास्थ्य परिक्षणको सुविधा पाउने भएका छन् ।
नेपाल मेडिकल व्यवसायी संघ र नेपाल होचापुड्का संघबीच मंगलबार भएको सम्झौता अनुसार होचापुड्का अपांगता भएका व्यक्तिले मेडिकल व्यवसायी संघ आवद्ध १ सय ५२ मेडिकलबाट निशुल्क स्वास्थ्य परिक्षण सुविधा पाउने छन् ।
तर होचापुड्का व्यक्तिले स्वास्थ्य परिक्षणका लागि नेपाल होचापुड्का संघको आधिकारिक सिफारिस पत्र लिनुपर्ने छ ।
होचापुड्का संघको आग्रहमा तयार पारिएको आग्रहमा संघका अध्यक्ष निर्मल मगराती र नेपाल मेडिकल व्यवसायी संघका अध्यक्ष सीताराम रेग्मीले सम्झौतामा हस्ताक्षर गरेका छन् ।
अब दुबै संघले आफूसँग आवद्ध सम्पूर्ण सदस्यलाई पत्राचार गरी जानकारी दिने छन्।
प्रतिक्रिया दिनुहोस !
