कुवेत : केही दिनयता सामाजिक सञ्जालमा एउटा भिडियो भाइरल भइरहेको छ । एकजना वरिष्ठ पाकिस्तानी अधिकारीले कुवेतका राजदूतको पर्स चोरेको भिडियो सामाजिक सञ्जालमा भाइरल भएपछि मानिसहरुले यसलाई हाँसिमजाकको विषय पनि बनाइरहेका छन् ।
पाकिस्तानमा भएको संयुक्त सचिवस्तरकै बैठकमा सहभागी एक पाकिस्तानका जोइन्ट सेक्रेटरी स्तरका अधिकारी जरार हैदर खानले कुवेतका राजदूतको पर्स चोरेका हुन् । उनले पर्स चोरिरहेको दृश्य सीसीटीभीमा कैद भएको छ ।
भिडियोमा पाकिस्तानी अधिकारी खानले टेबलमा राखेको पर्स आफ्नो कोटको गोजीमा हाल्दै गरेको दृश्य देख्न सकिन्छ ।
पाकिस्तानका अधिकारीले पर्स चोरेपछि कुवेतका राजदूतले यस चोरीको घटनालाई पुलिसमा उजुरी दिएका थिए । सीसीटीभी फुटेजको जाँचमा अधिकारीले पर्स चोरिरहेको दृश्य देखिएको हो । यो भिडियो पनि एकजना पाकिस्तानी पत्रकारले नै सार्वजनिक गरेका हुन् ।
यो घटना पाकिस्तान र कुवेतबीच संयुक्त मन्त्रालयस्तरीय आयोगको बैठक चलिरहेका बेलाको हो । घटनाको भिडियो पाकिस्तानका एक पत्रकार ओआमार आर कुरिसीले आफ्नो ट्विटर एकाउन्टबाट सार्वजनिक गरेका हुन् ।
भिडियो सार्वजनिक गर्दै उनले लेखेका छन्, 'पाकिस्तान सरकारका ग्रेड २० अधिकारीले कुवेतका अधिकारीको पर्स चोरे । ती अधिकारी त्यस प्रतिनिधिनमण्डलका सदस्य थिए जो प्रधानमन्त्री इमरान खानसँग भेट्नका लागि आएका थिए । रिपोर्ट अनुसार आरोपी अधिकारीलाई गिरफ्तार गरेर उनीविरुद्ध मुद्दा चलाइएको छ ।
समाचार अनुसार बैठकमा उच्चस्तरीय सुरक्षा उपाय अपनाइएको थियो । यसका बावजूद जब कुवेतका राजदूतको पर्स चोरी भएपछि धेरै आश्चर्य प्रकट गरेका छन्।
प्रतिक्रिया दिनुहोस !
