काठमाडौं : नेपाली भाषासाहित्यका विशिष्ट व्यक्तित्व प्रा. मोहनराज शर्मालाई ‘घटराज पुरस्कार’ प्रदान गरिने भएको छ।
घटराज भट्टराई स्मारक कोषकी अध्यक्ष इन्दिरा प्रसाईको अध्यक्षतामा मंगलबार बसेको बैठकले शर्मालाई पुरस्कार प्रदान गर्ने निर्णय गरेको हो। पुरस्कारको राशि पचास हजार रूपियाँ रहेको छ।
अमर प्राज्ञ घटराज भट्टराईको ७७ औं जयन्तीका अवसरमा मङ्सिर १० गते काठमाडौंमा पुरस्कार प्रदान गरिने छ।
यो पुरस्कार यसअघि शिव रेग्मी, कविता पौडेल, प्रा.डा.केशवप्रसाद उपाध्याय, प्रा.डा.गार्गी शर्मा, तेजेश्वरबाबु ग्वाङ्गलाई प्रदान गरिएको छ।
शर्मा नेपाली साहित्यको श्रीवृद्धिका लागि अनवरत समर्पित छन्। उनले भाषा, आख्यान, समालोचना, निबन्ध र नाटक लेखनका क्षेत्रमा विशिष्ट योगदान पुर्याएका छन्।
प्रतिक्रिया दिनुहोस !
