हेटौंडा : मकवानपुरको उत्तरी पर्यटकीय नगरी थाहा नगरपालिका–९ बज्रबाराहीमा टिस्टुङ महोत्सव–२०७५ सुरु भएको छ ।
स्थानीय उत्पादनको प्रवर्धन गर्दै पर्यटन क्षेत्रको प्रचारको उद्देश्यले महोत्सव भएको बताइएको छ । महोत्सव उद्घाटन गर्दै ३ नम्बर प्रदेशका मुख्यमन्त्री डोरमणि पौडेलले यस क्षेत्रलाई तीन नम्बर प्रदेशकै प्रमुख पर्यटकीय गन्तब्य बनाउन प्रदेश सरकार लागिपरेको बताए ।
प्रदेश सरकारले यसअघि नै ‘घुम्न जाऔँ दामन’ वर्ष घोषणा गरेको छ । हील स्टेशन निर्माण र ३ नम्बर प्रदेशको पर्यटन गन्तब्यको रुपमा पनि इन्द्रसरोबरलाई घोषणा गरिएको छ । यस क्षेत्रलाई प्रदेश सरकारले काठमाडौं नजिकको ‘सुन्दर पर्यटन गन्तब्य’को रुपमा प्रचार गर्दै आएको छ ।
असोज २७ गतेसम्म चल्ने टिस्टुङ महोत्सवमा एकसय ६० वटा स्टल रहेको महोत्सव मूल समारोह समितिका अध्यक्ष इन्द्र श्रेष्ठले बताए । महोत्सवमा स्थानीय नेवार समुदायको सांस्कृतिक झाँकी प्रदर्शनी, मौलिक खानका परिकार, कृषि उपज प्रदर्शनी तथा बिक्री, घरेलु सामाग्री प्रदर्शन तथा बिक्री, ऐतिहासिक तथा धार्मिक क्षेत्रको अवलोकन गर्न पाईन्छ ।
काठमाडौंबाट १३ किलोमिटर दूरीमा रहेका थाहानगरको चित्लाङ र बज्रवाराहीमा पछिल्लो समय आन्तरिक पर्यटकको संख्या बढ्दो छ ।
प्रतिक्रिया दिनुहोस !
