फुटबल खेल्न हिँडेका युवाको पौडी खेल्ने क्रममा मृत्यु
फिदिम : पौडी खेल्ने क्रममा खोलाले बगाएर एक युवकको मृत्यु भएको छ।
पाँचथर र ताप्लेजुङको सिमानाको धिमालेस्थित इवा खोलाले बगाएर हिलिहाङ गाउँपालिका ५ सिम्लेका युगल सुहाङको मृत्यु भएको हो।
बेपत्ता सुहाङलाई खोजी गर्ने क्रममा मृत अवस्थामा ताप्लेजुङ प्रहरीले फेला पारेको हो। खोलामा बेपत्ता भएको केही समयपछि सुहाङको शव मृत अवस्थामा फेला परेको प्रहरीको भनाइ छ।