रामेछापमा सुमो दुर्घटना : आमा छोराको मृत्यु, सात घाइते
कात्तिक ३, २०७५ शनिबार २०:१८:०
रामेछाप : शनिबार साँझ रामेछापमा सुमो दुर्घटना हुँदा आमा छोराको दुईजनाको मृत्यु भएको छ । दुर्घटनामा सातजना घाइते भएको प्रहरीले जनाएको छ ।
रामेछाप नगरपालिका २ खरानेपाखामा ना १ ज ४८१२ नम्बरको सुमो दुर्घटना भएको हो । रामेछाप नगरपालिका कुकुरकाटे भज्ङयाबाट गोठगाउँ जादै गरेको सुमो सडकबाट तीन सय मिटर तल खसेको छ ।
दुर्घटनामा रामेछाप नगरपालिका १ गोठागाउँकी ६० वर्षीया ललीमाया कार्की र ४० वर्षका छोरा दुर्गाबहादुर कार्कीको मृत्यु भएको हो ।
घाइते सातजनाको अवस्था समेत गम्भीर रहेको छ । सबै घाइतेको मन्थली अस्पतालमा उपचार भइराखेको वडा नम्बर १ का वडा अध्यक्ष नरबहादुर थापाले जानकारी दिए ।
प्रतिक्रिया दिनुहोस !
