राजविराज : तिब्र गतिमा गुडिरहेको माइक्रो बसको ठक्करले सोमबार सप्तरीमा एक बृद्धको मृत्यु भएको छ ।
विराटनगरबाट काठमाडौंतर्फ जाँदै गरेको बा. ५ ख १४५१ नम्बरको माइक्रो बसको ठक्करले स्थानीय ६५ वर्षीय अन्दुलाल चौधरीको मृत्यु भएको प्रहरी चौकी महुलीले जनाएको छ ।
पूर्व–पश्चिम राजमार्गको जण्डौल सडक खण्डअन्तर्गत सप्तरीको अग्निसाइर कृष्णासवरण गाउँपालिका–१ मा माईक्रो बसले अर्को सवारी साधनलाई ओभरटेक गर्ने क्रममा सडक किनारमा हिँडिरहेका पैदल यात्री चौधरीलाई ठक्कर दिएको हो । ठक्करले उनको घटनास्थलमै मृत्यु भएको हो ।
चौधरीको मृत्युपछि स्थानीय बासिन्दाले करिब एक घण्टा पूर्व–पश्चिम राजमार्गको जण्डौल खण्ड अवरुद्ध गरेका थिए । माइक्रो बस र चालकलाई सप्तरी प्रहरीले नियन्त्रणमा लिएपछि सडक सुचारु भएको छ ।
प्रतिक्रिया दिनुहोस !
५
