विराटनगर : प्रहरीले विराटनगर महानगरपालिका- ४ कंचनवारीबाट लागूऔषधसहित दुईजनालाई मंगलबार राति पक्राउ गरेको छ। पक्राउ पर्नेमा धरान उपमहानगरपालिका- १६ का ३३ वर्षीय तिलक लोहार र धरान- १३ का १८ वर्षीय विकेश रुम्बा रहेका छन् ।
राति १० बजे शंकास्पद रुपमा हिंडिरहेको अवस्थामा चेकजाँच गर्दा उनीहरुको साथबाट लागूऔषध फेला परेको प्रहरीले जनाएको छ। मोरङ प्रहरी प्रमुख एसपी मनोजकुमार केसीका अनुसार लोहार र रुम्बाका साथबाट डाईजेल्याब, लुपिजेसिक र एभिल गरेर तीन सय पिस लागूऔषध फेला परेको छ।
दुबैजनाविरुद्ध लागूऔषध ऐनअन्तर्गतको मुद्धा चलाउन अदालतबाट म्याद थप गरेर अनुसन्धान सुरु गरिएको प्रहरीले जनाएको छ।
प्रतिक्रिया दिनुहोस !
