सप्तरी : वाइसिएल नेपालका कार्यकर्ता २१ वर्षीय प्रेमकुमार यादवको हत्या आरोपमा सप्तरी प्रहरीले दुई युवालाई पक्राउ गरेको छ ।
राजविराज नगरपालिका–१ निवासी वाइसिएल नेपालका सहसंयोजक यादवको हत्या आरोपमा राजविराज नगरपालिका–११ का मिथलेशकुमार यादव र सरोजकुमार यादवलाई सप्तरी प्रहरीले पक्राउ गरेको हो ।
मृतकका बावु भन्नालाल यादवको उजुरीका आधारमा आरोपितमध्ये दुई युवालाई पक्राउ गरी कारवाही चलाइएको र अन्य १० आरोपितहरुको खोजी भइरहेको एसपी राजेन्द्र विष्टले बताए ।
राजविराज नगरपालिका–२ स्थित पिस जोन बोर्डिङ स्कुल अगाडि बाटोमा गत असोज २३ गते विहान यादवलाई घेरा हाली युवाहरुको एक समूहले धारिलो हतियारले आक्रमण गरेका थिए ।
आक्रमणबाट घाइते यादवको भोलिपल्ट असोज २४ गते राति उपचारका क्रममा विराटनगरमा मृत्यु भएपछि स्थानीयवासीले असोज २५ गते र कात्तिक ४ गते राजविराजमा विरोध प्रदर्शन गर्दै नाराबाजी गरेका थिए । पुरानो रिसइवीका कारण भएको झडपमा यादवको हत्या भएको भन्दै एसपी विष्टले अन्य आरोपितहरुलाई समेत छिट्टै पक्राउ गरिने बताएका छन् ।
प्रतिक्रिया दिनुहोस !
