हलिउड : अमेरिकी गायिका, डान्सर, कोरियोग्राफर तथा अभिनेत्री पाउला अब्दुल मिसिसिप्पीको एक कन्सर्टमा अफ्नो सन्तुलन गुमाउँदा मञ्चबाट लडेकी छन्। डेली मेल डटकमका अनुससार ‘द प्रमिस अफ अ न्यु डे’ बोलको गीत प्रस्तुत गर्ने क्रममा ५६ वर्षीया गायिका मञ्चको छेउमा पुगिन् अनि गाउँदागाउँदै लडिन्।
यो घटनामा त्यहाँ उपस्थित उनका फ्यानबीच हंगामा मच्चियो । महिलाहरू चिच्याउन थाले । दर्शकका अनुसार पाउलालाई कुनै चोट भने लागेको छैन। घटनापछि पाउला आफैं उठिन् र आफ्नो प्रस्तुतिलाई निरन्तरता दिइन् ।
पाउला अहिले ‘स्ट्रेट अप पाउला २०१८ टुर’मा छिन् । २५ वर्षपछि उनको यो पहिलो एकल सांगीतिक यात्रा हो।
प्रतिक्रिया दिनुहोस !
