विराटनगर : प्रहरीले मोरङ र सुनसरीबाट लागूऔषधसहित दुईजनालाई पक्राउ गरेको छ।लागूऔषध नियन्त्रण व्युरो विराटनगरबाट खटिएको टोलीले सुनसरीको धरान उपमहानगरपलिका- २ का २३ वर्षीय मोहम्मद यासिफ अली र विराटनगर महानगरपलिका- १७ का १९ वर्षीय सुवास रामलाई पक्राउ गरेको हो।
विराटनगरको विराटनर्सिङ होम नजिक शंकास्पद अवस्थामा हिंडिरहेका उनीहरुलाई चेकजाँच गर्ने क्रममा साथबाट ६० एम्पुल एभिल, ५३ एम्पुल लुपिजेसिक र ५६ एम्पुल डाइजेल्याव नामक लागूऔषध बरामद भएको मोरङ प्रहरीका प्रवक्ता डीएसपी निशान थापाले बताए।
त्यस्तै सुनसरीको धरान उपमहानगरपालिका- ८ स्थित तीनकुने चौकबाट लागूऔषधसहित दुईजना पक्राउ परेका छन्। धरान ११ का २१ वर्षीय मनिष राई र धरान ६ का २३ वर्षीय दिपक राईलाई प्रहरीले पक्राउ गरेको हो।
इटहरीबाट धरानतर्फ जाँदै गरेको बसमा सवार रहेका उनीहरुका साथ बिहीबार साँझ लागूऔषध नाइट्रोसन ट्याब्लेट ३० चक्की र स्पास्मोप्रोक्सिभन २० चक्की बरामद भएको प्रदेश १ प्रहरी कार्यालय विराटनगरले जनाएको छ।
पक्राउ परेकाविरुद्ध लागूऔषध ऐनअन्तर्गतको मुद्धा चलाउन म्याद थप गरी अनुसन्धान अघि बढाइको प्रहरीले जनाएको छ ।
प्रतिक्रिया दिनुहोस !
