पतिद्वारा पत्नीको विभत्स हत्या, चार नावालकको विचल्ली
कात्तिक १९, २०७५ सोमबार १२:२२:०
गुल्मी : गुल्मीको मदाने गाउँपालिका–६ पुर्कोटदहस्थित पनाह खोला निवासी ३३ वर्षीय दुर्गा बहादुर नेपालीले आफ्नै ३६ वर्षीया पत्नी सीता नेपालीको विभत्स तरिकाले हत्या गरेका छन् ।
गत कार्तिक १५ गते राती छिमेकी राजकुमार थापाको खाली घरमा सुतिरहेको अवस्थामा दुर्गाले पत्नी सीताको हत्या गरेका हुन् । मदिरा सेवन गरी राती आएका नेपालीले सीतालाई चरम यातना दिएर हत्या गरेको खुलेको छ ।
हत्यापछि फरार रहेका अभियुक्त नेपालीलाई प्रहरीले पक्राउ गरी सार्वजनिक गरिसकेको छ । ईलाका प्रहरी कार्यालय पुर्कोटदहबाट खटिएको प्रहरी टोली र जिल्ला प्रहरी कार्यालय गुल्मीका प्रमुख प्रहरी उपरिक्षक दिपक कुमार बस्नेतको नेतृत्वमा खटिएको संयुक्त टोलीले अभियुक्त नेपालीलाई पक्राउ गरेको हो ।
प्रहरी प्रमुख बस्नेतले अभियुक्तलाई पक्राउ गर्न जिल्लाभर चारैतिर प्रहरी खटाई सवारी यातयात जाँचमा समेत कडा गरेको बताए । अभियुक्त नेपालीले प्रहरीसमक्ष यातना दिएर हत्या गरेको स्वीकार गरिसकेका छन् । प्रहरीले भने आवश्यक कारवाही अघि बढाइसकेको बताएको छ ।
नाबालक सन्तान अलपत्र :
अभियुक्त नेपालीका ३ छोरा र १ छोरी छन् । घटनापछि चार नावालक छोराछोरीको विचल्ली भएको छ । जेठो छोरा विपिन, माईलो छोरा विकास, छोरी विपना र डेढ वर्षीय छोरा विक्रम नेपालीको लालनपालन कसले गर्लान् भन्ने अन्योल छ ।
अर्को व्यवस्था नभएसम्म उनीहरुलाई मदाने गाउँपालिकाले खाद्यान्नको व्यवस्था गरेको गाउँपालिका प्रमुख दान बहादुर केसीले जानकारी दिए । आमाको हत्या भएको र बावु कर्तव्य ज्यान मुद्धामा पक्राउ परेपछि दुधे वालकसहित चार नावालकको अवस्था दयनीय छ । प्रहरीले उनीहरुलाई तत्कालको लागि छिमेकी काकाको जिम्मा लगाए पनि उनीहरु बेवारिसेजस्तै बनेका छन् ।
अभियुक्त नेपाली प्रहरी नियन्त्रणमा :
प्रतिक्रिया दिनुहोस !
