मुगु : सदरमुकाम गमगढीबाट सोरु गाउँपालिका जाँदै गरेको ट्याक्टर दुर्घटना हुँदा चालकको घटनास्थलमै मृत्यु भएको छ ।
आइतबार अपरान्ह सदरमुकाम गमगढीदेखि नेपाल खाद्य संस्थानको खाद्यन्न लिएर सोरु गाउँपालिकातर्फ जाँदै गरेको भे १ च ९१८२ नम्बरको ट्याक्टर छायानाथ रारा नगरपालिका–३ फूली भिरमा दुर्घटना हुँदा चालक मदन चौधरीको मृत्यु भएको हो ।
दाङ घोराई घर भएका चालक मदन चौधरीको शवलाई जिल्ला अस्पतालमा ल्याइएको र पोष्ट मार्टमपछि आफन्तलाई बुझाइने जिल्ला प्रहरी कार्यालयका प्रहरी नायब उपरिक्षक राजेन्द्रबावु रेग्मीले बताएका छन् ।
ट्यक्टरका सहचालक भने दुर्घटनामा बाँच्न सफल भएका छन् । प्रारम्भीक अनुसन्धानको आधारमा ट्याक्टरको ब्रेक फेल भएको बताइएको छ ।
ट्याक्टर भीरबाट खसेर करिब एक किमी तल मुगु कर्णाली तिरमा खसेको थियो । आइतबार नै प्रहरी घटनास्थलमा पुगे पनि ठूलो भीर र राती भएकाले कुनै विवरण उपलब्ध हुन नसकेपछि प्रहरी सोमबार बिहान घटनास्थल पुगेको थियो ।
प्रतिक्रिया दिनुहोस !
