कांग्रेसकाे उपसभापतिमा विजयकुमार गच्छदार मनाेनीत
काठमाडाैं : नेपाली कांग्रेसको महासमिति बैठक आगामी मंसिर २८ गतेसम्मका लागि सरेकाे छ । मंगलबार पार्टी कार्यालय सानेपामा बसेको केन्द्रीय समिति बैठकले विजयकुमार गच्छदारलाई उपसभापतिमा मनाेनीतसमेत गरेको छ । कांग्रेसमा आन्तरिक विवादबीच पार्टी एकताबाट आएका नेता गच्छदारलाई उपसभापतिमा मनाेनयन गर्नुका साथै महासमिति बैठक सारेको हो ।
कांग्रेस वरिष्ठ नेता रामचन्द्र पाैडेल, प्रकाशमान सिंह र अर्जुन नरसिंह केसीले पार्टीकाे यस्ताे निर्णयमा अापत्ति जनाउँदै असहमति जनाएका छन् । बाधाअड्चन फुकाउ जारी नगरी निर्णय भएकाे भन्दै उनीहरुले असहमति जनाएका हुन् ।
मंसिर २८ गतेका लागि सरेको महासमिति बैठक पुस ३ गतेसम्म काठमाडौंमा चल्ने छ ।