जुम्लामा दुर्घटनामा परेको ताराको जहाजले पाँच महिनापछि उडान थाल्यो
कात्तिक २२, २०७५ बिहीबार २०:७:०
जुम्ला : दुर्घटनामा परेर क्षतिग्रस्त तारा एयरको एउटा जहाजले मर्मत गरेर करिब पाँच महिनापछि उडान भरेको छ ।
गत जेठ २६ गते जुम्ला विमानस्थलमा अवतरणका क्रममा टायर पञ्चर भएर तारा एयरको जहाज दुर्घटना भएको थियो । आवश्यक मर्मतपछि सो जहाज बिहीबार काठमाडौँका लागि उडान भरेको छ ।
तारा एयरलाइन्सको ९ एन एइभी कलसाइन भएको जहाज दुर्घटना भएपछि जुम्ला विमानस्थलमा पार्किङ गरेर राखिएको थियो ।
'जहाजलाई क्याप्टेन प्रभाकर घिमिरे र अर्का क्याप्टेन आइआर जोशीले उडान गरेका छन्,' उनले भनेका छन् । एक महिनादेखि क्यानडा र स्विट्जरल्याण्डका प्राविधिक जुम्लामै आएर जहाजको मर्मत गरेका थिए ।
'जहाज उडाउनुभन्दा अघि त्यसको अवस्थाको परीक्षण भएको थियो', शर्माले भने,'इन्जिनियर र क्याप्टेनको टोलीले जहाज उडान भर्न योग्य देखेपछि काठमाडौँका लागि उडान गरिएको हो ।'
गत जेठ २६ गते क्याप्टेन जेके निरौला र कोपाइलट हिम्मत रोकायाले उडाएको जहाज जुम्ला विमानस्थलमा अवतरण गराउँदा टायर पञ्चर भएपछि दुर्घटना भएको थियो । रासस
प्रतिक्रिया दिनुहोस !
