गाईघाट : उदयपुरको चौदण्डीगढी नगरपालिका- ६ बेल्टारबजारमा आइतबार दिउँसो आगलागी भएको छ।आगलागीबाट करिब २२ लाख बराबरको क्षति भएको प्रहरीले जनाएको छ।
स्थानीय सुवास राइको घरमा आगलागी हुँदा घर गोठ जलेर पूर्णरुपमा नष्ट भएको हो। आगलागीबाट राईको काठको दुई तले घर र सँगै जोडिएको गोठ, लत्ताकपडा, धनमाला जलेर नष्ट भएको इलाका प्रहरी कार्यालय बेल्टारका प्रहरी निरीक्षक गंगाप्रसाद पौडेलले बताए।
मध्यान्नबाट सुरु भएको आगो त्रियुगा र चौडण्डिगढी नगरपालिकाको दमकल, स्थानीयबासी, प्रहरीको सहयोगमा दुई घण्टापछि नियन्त्रणमा आएको हो।
प्रतिक्रिया दिनुहोस !
५
