काठमाडौं : सन्तोष खनालको निर्देशनमा तयार भएको ‘मोहनी लाएको’ बोलको गीतको म्युजिक भिडियो सार्वजनिक भएको छ । भिडियोमा सञ्चारकर्मी तथा कलाकार शिशिर भण्डारी र अमृता खनालले अभिनय गरेका छन् । बुद्ध थापाको टिमले भिडियो छायांकन गरेको हो भने सञ्जीव श्रेष्ठले भिडियो सम्पादन गरेका हुन् ।
दुर्गालाल श्रेष्ठका शब्दमा न्ह्यु वज्राचार्यको संगीत रहेको गीत कमला श्रेष्ठले गाएकी हुन् । गायिका श्रेष्ठले शारीरिक रूपमा अशक्त भएर पनि असम्भव केही छैन भन्ने प्रमाणित गरिदिएकी छिन् । कमला नेपाली समाजको लागि एउटा उदाहरण बनेकी छन् ।
१२ वर्षको उमेरमा भाइसँग घरको छतमा चंगा उडाउँदै गर्दा त्यो गएर बिजुलीको पोलमा अड्कियो । त्यो चंगा झिक्न उनले फलामे छड्को प्रयोग गरिन् । तर त्यो छडले चंगा झिकेन उनको जिन्दगीको खुसी र शारीरिक सक्षमता झिकिदियो । त्यस क्रममा करेन्ट लागेर उनले दुवै हात र एउटा खुट्टा गुमाइन् । यो दुर्घटना भएको २० वर्ष पुगिसकेको छ । हाल उनी कृत्रिम हात र खुट्टाको सहारामा छिन् ।
भिडियो
प्रतिक्रिया दिनुहोस !
