ताप्लेजुङ : ताप्लेजुङको सिदिङवा गाउँपालिकाका कार्यालय सहयोगी राजनहाङ लिम्बूको भीरबाट लडेर मृत्यु भएको छ। मंसिर २ गते कार्यालयबाट फर्कने क्रममा वडा नं ५ लिम्बुदिनस्थित कृष्णभीरबाट लडेर २६ वर्षीय लिम्बूको मृत्यु भएको हो ।
बेलुका भीरबाट लडेका उनलाई प्रहरीले राति साढे ९ बजे तिर बाटोदेखि ४०० मिटर तल भीरमा गम्भीर घाइते अवस्थामा भेटेको थियो। प्रहरी र स्थानीयको सहयोगमा उद्धार गरेर उपचारका लागि स्वास्थ्य चौकीमा लगिएका लिम्बूको मृत्यु भएको जिल्ला प्रहरी कार्यालय ताप्लेजुङले जनाएको छ।मृतकको शव पोष्टमार्टमका लागि जिल्ला अस्पताल ल्याइएको छ।
प्रतिक्रिया दिनुहोस !
