नयाँ दिल्ली : राम मन्दिर निर्माणको मागबीच भारतको उत्तर प्रदेशस्थित योगी आदित्यनाथ सरकारले ठुलो निर्णय लिएको छ । योगीले अयोध्यामा भगवान रामको २२१ मिटर अग्लो मूर्ति बनाउने निर्णय गरेका हुन् ।
यो प्रतिमा गुजरातस्थित विश्वकै सबैभन्दा अग्लो स्ट्याच्यु अफ युनिटी भन्दा करिब ३९ मिटर अग्लो हुनेछ । स्याच्यु अफ युनिटीको उचाई १८२ मिटर रहेको छ ।
भगवान रामको मूर्तिको डिजाइन तयार भइसकेको छ । यसलाई मुख्यमन्त्री योगी आदित्यनाथले अनुमति दिइसकेका छन् । मूर्ति बनाउनेबारे जानकारी दिँदै उत्तर प्रदेश सरकारले ट्वीटमा भनेको छ, 'राम जन्मभूमि अयोध्यामा मर्यादा पुरुष भगवान् श्रीरामको विशाल प्रतिमा स्थापित गरिनेछ । जसको उचाई लगभग २२१ मिटर हुनेछ । जानकारी अनुसार यस मूर्तिको उचाई १५१ मिटर छ । त्यसमाथि २० मिटर अग्लो छत्र र ५० मिटरको आधार हुनेछ ।
प्रधानमन्त्री नरेन्द्र मोदीले हालै मात्र गुजरातको नर्मदा जिल्लामा सरदार सरोबर बाँध नजिकै सरदार बल्लभ भाइ पटेलकफ प्रतिमा 'स्ट्याच्यु अफ युनिटी' को अनावरण गरेका थिए ।
यस प्रतिमाको उचाई १८२ मिटर अग्लो छ । यसलाई विश्वकै सबैभन्दा अग्लो मूर्ति भनिएको छ। तर भगवान रामको २२१ मिटर अग्लो प्रतिमा बनेपछि यो रेकर्ड तोडिनेछ । समाचार अनुसार यस परियोजनामा मूर्तिका अलावा विश्राम घर, श्रीरामको कुटी र रामलीला मैदान पनि बनाइनेछ ।
प्रतिक्रिया दिनुहोस !
