सीके राउतलाई नवलपरासी झिकाउने आदेश

सीके राउतलाई नवलपरासी झिकाउने आदेश

परासी : स्वतन्त्र मधेस गठबन्धन (सीके राउत समूह) का संयोजक डा. सीके राउतलाई नवलपरासी जिल्ला झिकाउन अदालतले आदेश दिएको छ। पश्चिम नवलपरासी जिल्ला अदालतमा शुक्रबार भएको थुन छेक बहसमा राउतको मुद्दा नवलपरासीमा पनि चलेकाले बयानका लागि नवलपरासी झिकाउन भनिएको हो।

जिल्ला न्यायधीश हेमबहादुर सेनको इजलाशले गरेको थुन छेक बहसमा उक्त समूहका उपसंयोजक कैलाश महतोलाई सिरहा जिल्ला अदालत पठाउने आदेश दिइएको छ। उनीहरु  विरुद्ध ‘राज्यविरुद्धको संगठित अपराध’मा मुद्दा चलेको छ। 

उक्त मुद्दामा डा. राउत रौतहट जिल्लामा थुनामा छन् भने उपसंयोजक महतो नवलपरासीमा थुनामा छन्। आदेशमा उपसंयोजक महतोलाई २ लाख पचास हजार धरौटीसमेत माग गरिएको छ। धरौटी मागसँगै महतोलाई सिरहा जिल्ला अदालतमा उपस्थित गराउने  प्रहरीको जिम्मा लगाइएको छ।

महतोले उक्त रकम बुझाएका छैनन्। महोत्तरी घर भएका उपसंयोजक महतो गत असोज २७ गते राज्यविरुद्ध भाषण गरेको अभियोगमा परासी बुद्धचोकबाट पक्राउ परेका थिए। उनीसँगै पक्राउ परेका समूहका नवलपरासी जिल्ला संयोजक श्रीकृष्ण यादवलाई अदालतले १ लाख पचास हजार धरौटीमा रिहा गर्ने आदेश दिएको छ। धरौटी रकम बुझाउन नसकेपछि यादव कारागार चलान भएका छन्। 
 


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.