राजविराज : पशुचौपायालाई न्यानो बनाउन गाईगोठमा बालेको घुरबाट सोमबार बिहान सप्तरीको तिलाठी कोईलाडी गाउँपालिका- १ बेल्हीमा आगलागी भएको छ। आगलागीबाट पशुचौपायासहित ६ जनाका घर जलेर नष्ट हुँदा २० लाख मूल्य बराबरको क्षति भएको सप्तरी प्रहरीले जानकारी दिएको छ।
स्थानीय बिजयकुमार रायको फुसको गोठघरमा बालेको घुरबाट अचानक सल्किएको आगोले रायसहित नागेश्वर राय, किसुनदेव राय, अजयकुमार राय, रामचन्द्र राय र अहिल्यादेवी रायको फुसको घर जलेर नष्ट भएको जिल्ला प्रहरी कार्यालय सप्तरीले जनाएको छ।
विजयको फुसको घरसहित तीन गाई र एक बाछो जलेर मरेका छन्। किसुनदेवको घरसहित १५ वटा बाख्रा, अजयको घरसहित सातवटा बाख्रा, रामचन्द्रको घरसहित एक सय २५ मन धान, अहिल्या र नागेश्वरको घरसहित एक÷एक सय मन धान जलेर नष्ट भएको डिएसपी भावेश रिमालले बताए।
प्रतिक्रिया दिनुहोस !
