दार्चुला : जिल्ला सदरमुकाम खलंगाको घाँटबजारमा रहेको एक फेन्सी पसलमा आगलागी भएको छ । महाकाली नगरपालिका-४ घाँटबजारमा रहेको पदम बडालको फेन्सी पसलमा सोमबार राति करिब सवा नौ बजे आगलागी भएको हो ।
आगलागीबाट लाखौँ मूल्यको सामान जलेर नष्ट भएको पीडितले बताएका छन् ।
आगलागीको एकीन कारण भने खुल्न नसकेको प्रहरीले जनाएको छ। पसलभित्रको विजुलीको तार सट भएर आगलागी भएको हुनसक्ने अनुमान गरिएको छ । पसलको माथिल्लो तलामा रहेका सामान भने बचाउन सकिएको छ ।
आगो निभाउनका लागि आसुरक्षाकर्मी र स्थानीयले महाकाली नदीबाट पानी बोकेर ल्याएका थिए। झण्डै डेढ घण्टाको प्रयासपछि आगलागी नियन्त्रणमा आएको बताइएको छ ।
प्रतिक्रिया दिनुहोस !
