डोटी : वर्षौँदेखि घाँसदाउरामै ब्यस्त डोटीको ग्रामिण भेगका महिलाहरु अचेल व्यवसायीक तरकारी खेती तथा शीपमुलक काममा लागेका छन् ।
शिखर नगरपालिका– ५ तिजालीका महिलाहरु दुई वर्षयता व्यवसायीक तरकारी खेतीबाट मनग्य आम्दानी गर्दै आएका छन् । ‘एक वर्ष भन्दा बढी भयो हामी व्यवसायीक कृषिमा लागेको’ तिजालीकी बिस्ना अधिकारीले भनिन्, ‘मौसमी तरकारी खेतीले राम्रो आम्दानी पन िभइरहेको छ ।’
यहाँका महिलाहरु कृषक समुह गठन गरी संस्थागत रुपमै कृषि पेशामा लागेका हुन् । कृषक समुह गठन गरेर व्यवसायी तरकारी खेती गर्न सजिलो भइरहेको बताउँछिन् भगवती महिला कृषक समुह अध्यक्ष दमयन्ती चन्द ।
उनीहरुको यस्तो काममा कृषि विकास कार्यालयले समेत सहयोग गरेको चन्दले बताइन् । उनी भन्छिन्, ‘सबैले मिलेर संस्थागत तरिकाले काम ग¥यो भने सजिलो हुने रहेछ । विभिन्न तहबाट सहयोग पनि मिल्ने रहेछ ।’
पाडाखेती कृषक समुह सदस्य निर्मला साउद तरकारी खेतीबाटै घरको सबै खर्च कटाएर वर्षमा दुई लाख आम्दानी गरेको बताउँछिन् । उनका अनुसार सिंचाईको पर्याप्तता नभएर पनि राम्रै आम्दानी भइरहन्छ ।
डोटीका अन्य ग्रामिण क्षेत्रहरुमा समेत पछिल्लो समय महिलाहरु व्यवसायीक कृषिमा सक्रिय हुन थालेका हुन् । पहिले झैँ दैनिक रुपमा खट्दा राम्रो आम्दानी हुने भएकाले उनीहरु उत्साही भएको बताउँछन् ।
शिखर नगरपालिका कृषि इकाइ कार्यालयका प्रमुख मदन खड्काका अनुसार कृषकका लागि विभिन्न योजना आएकाले पनि व्यवसायीक कृषि खेतीमा सजिलो हुन थालेको हो ।
प्रतिक्रिया दिनुहोस !
