राजविराज : चरित्रहीनको आरोप लगाउँदै ५१ वर्षीया महिलाको कपाल मुडेर जुत्ताको माला लगाइ अमानवीय व्यवहार गरेका तीनजना पक्राउ परेका छन् ।
शनिबार राति पीडितको कपाल मुडेर जुत्ताको माला लगाइ अमानवीय व्यवहार गरेको भन्दै सप्तरी प्रहरीले खडग नगरपालिका–२ सिस्वा बेल्हीका ५५ वर्षीय रूपनारायण राम, ३५ वर्षीया अहिल्यादेवी राम र १८ वर्षीय सुनील रामलाई पक्राउ गरेको हो ।
चरित्रहीनको झुठो आरोप लगाउँदै अभद्र र अमानवीय व्यवहार गरेको भन्दै पीडितले गुनासो गरेपछि उनीहरु पक्राउ परेका हुन् । आरोपितहरूलाई पक्राउ गरी जिल्ला प्रशासन कार्यालयबाट म्याद थप गरिएको इलाका प्रहरी कार्यालय कडरबोनाका प्रहरी निरीक्षक सुरेन्द्र श्रेष्ठले बताए ।
प्रतिक्रिया दिनुहोस !
५
