वीरगन्जमा नेविसंघ कार्यकर्ताबीच खुकुरी हानाहान : एक घाइते

वीरगन्जमा नेविसंघ कार्यकर्ताबीच खुकुरी हानाहान : एक घाइते

वीरगन्ज : वीरगन्जमा बुधबार साँझ नेपाली कांग्रेस निकट विद्यार्थी संगठन नेपाल विद्यार्थी संघका कार्यकताबीच खुकुरी हानाहान भएको छ। 

 
नेविसंघको जिल्ला अधिवेशनको विषयमा विवाद हुँदा दुई गुटबीच खुकुरी हानाहान भएको हो। कांग्रेस पर्साको पार्टी कार्यालय परिसरमा भएको खुकुरी प्रहारबाट नेविसंघ ठाकुरराम बहुमुखी क्याम्पसका इकाई उपाध्यक्ष समीर अन्सारी घाइते भएका छन्। 

घाइते अन्सारीको नारायणी उपक्षेत्रीय अस्पतालमा उपचार  भइरहेको इकाई अध्यक्ष मनोज साहले जानकारी दिए। नेविसंघकै कार्यकर्ता रोशन सिंहले खुकुरी प्रहार गरेको साहको आरोप छ। 

बुधबार साँझ पार्टी कार्यालयमा छलफल चलिरहेका बेला कार्यालय परिसरमा जम्मा भएका नेविसंघका कार्यकर्ताबीच विवाद हुँदा खुकुरी हानाहान भएको प्रत्यक्षदर्शीको भनाइ छ। 

तनाव बढ्दै गएपछि सुरक्षा व्यवस्था कडा पारिएको छ।  नेविसंघ पर्साको जिल्ला अधिवेशनका लागि कांग्रेस केन्द्रीय कार्यालयले पर्सामा केन्द्रीय प्रतिनिधिका रुपमा सहमहामन्त्री लक्ष्मीभक्त खनाललाई खटाएको छ। 

खनाल र कांगे्रेस पर्साका सचिव श्याम पटेलको उपस्थितीमा पार्टी कार्यालयमा छलफल चल्दै गर्दा कार्यालय परिसरमा रहेका दुई गुटका कार्यकर्ताबीच विवाद हुँदा खुकुरी हानाहान भएको हो। 

कांग्रेस पर्साका सभापति अजय द्धिवेदीले एक महिना पहिले नेविसंघ पर्साको सभापतिमा विश्वास द्धिवेदीलाई मनोनयन गरेको घोषणा गरेपछि चर्को विवाद हुँदै आएको थियो। पार्टी सभापति द्धिवेदीले नेविसंघको सभापति भतिजा पर्ने विश्वासलाई बनाएपछि असन्तुष्ट नेविसंघका स्थानीय नेताले केन्द्रीय कार्यालयमा उजूरी गरेका थिए। 


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.