धनकुटा : धनकुटा–६ पात्लेखोलामा शनिबार साँझ ट्रक पल्टिँदा एकजनाको मृत्यु भएको छ ।
धनकुटाबाट धरान जाँदै गरेको बा ३ ख ६१५१ नम्बरको ट्रक ब्रेक फेल भइ सडकमा पल्टिँदा लोड भएको बाँसले लागेर पैदल यात्री ६२ वर्षीय गुरुप्रसाद दाहालको मृत्यु भएको हो ।
ट्राफिक प्रहरी कार्यालय धनकुटा प्रमुख सुरेन्द्र खड्काका अनुसार घाइते भएका दाहालको धनकुटा अस्पतालमा उपचारको क्रममा मृत्यु भएको हो । दुर्घटनामा ट्रकका सह–चालक घाइते भएका छन् । उनको धनकुटा अस्पतालमा उपचार भइरहेको छ । ट्रकका चालकलाई प्रहरीले नियन्त्रणमा लिएको छ ।
प्रतिक्रिया दिनुहोस !
