तेह्रथुम : तेह्रथुमको फेदाप गाउँपालिका र आठराई गाउँपालिकाको संगम स्थल संगपुमा मंगलबार सवारी दुर्घटना हुँदा तीनजना घाइते भएका छन्। सक्रान्ती बजारबाट म्याङलुङतर्फ आउँदै गरेको को १ ज २४९२ नम्बरको बोलेरो आठराई-म्याङलुङ सडकखण्डमा पर्ने सगपुमा दुर्घटना हुँदा फेदाप-४ सम्दुका २५ वर्षीय एकराज लिम्बू, सोही ठाँउका ३९ वर्षीय सनकुमार लिम्बू र २८ वर्षीय प्रशान राई घाइते भएका हुन्।
घाइतेमध्ये प्रशान राईको अवस्था गम्भीर रहेको र थप उपचारका जिल्ला बाहिर पठाइएको सम्दु प्रहरी चौकीका प्रहरी साहयक निरीक्षक पदम श्रेष्ठले बताए।
अन्य घाइतेको श्वास्थ्य चौकी सम्दुमा उपचार भइरहेको छ। उकालोमा ब्रेक फेल हुँदा बोलेरो सडकबाट करिब ७० मिटर तल झरेको छ।
प्रतिक्रिया दिनुहोस !
