विदुर : नुवाकोटको विदुर नगरपालिका-१० ढाँडे खोलामा सुख्खा पहिरो जाँदा एक वृद्धाको मृत्यु भएको छ।
पहिरोमा परी विदुर नगरपालिका-१० की ७३ वर्षीया प्रेमकुमारी तामाङको मृत्यु भएको जिल्ला प्रहरी कार्यालय नुवाकोटका प्रमुख एसपी कृष्णबहादुर पल्ली मगरले जानकारी दिए । उनकी बुहारी नाता पर्ने ५६ वर्षीया रामकुमारी तामाङ गम्भीर घाइते छन्।
गेर्खुटारबाट घर फर्किने क्रममा घर पुग्न पाँच सय मिटर बाँकी हुँदा साँझ साढे ५ बजे उनीहरु पहिरोमा परेका हुन्। पहिरोमा परी गम्भीर घाइते भएकी प्रेमकुमारी र रामकुरमारीलाई नुवाकोट अस्पताल पुर्याइएको थियो।
घाइते रामकुमारीालई थप उपचारका लागि काठमाडौं पठाइएको छ। मृतक प्रेमकुमारीको शव पोस्टमार्टमका लागि जिल्ला अस्पतालमा राखिएको छ।
प्रतिक्रिया दिनुहोस !
