नयाँदिल्ली : कुकुर र बिरालोको मित्रता, बाघ र बिरालो सँगै मिलेर बसेका जस्ता तस्बिर त सामाजिक संजालमा देखिएकै हुन् ।
तर एउटा गाई कतिसम्म दयालु बन्नसक्छ भन्ने कुराले सामाजिक संजालमा चर्चा पाएको छ ।
भारतको उत्तर प्रदेशको एक घटना हो । जहाँ एउटा गाई बसिरहेको ठाउँमा कुकुरका बच्चाहरु थुनमै मुख लगाएर उसको दुध पिउँछन् । नियमित रुपमा आफ्नै आमाको दुध झैँ ति कुकुरका छाउराले दुध पिएको दृश्य साँच्चिकै अनौठो छ ।
कुकुरका छाउराले दुध पिउँदा गाई भने शान्त भएर बसिरहेको छ । भारतीय संचार माध्यम दैनिक भास्करले उल्लेख गरे अनुसार गाईको यो भिडियो अहिले सामाजिक संजालमा भाइरल भइरहेको छ ।
तर उक्त गाई र कुकुरका छाउरा कसले पालेको त्यसबारे यकिन छैन । उत्तर प्रदेशको एक गाउँको घटना भन्दै सामाजिक संजालमा यसको प्रचार भएको हो ।
प्रतिक्रिया दिनुहोस !
