धरान : सुनसरीको धरान उपमहानगरपालिका–१४ निवासी निर्माण व्यवसायी अनोज भट्टराई बेपत्ता भएका छन् ।
सोमवार सडक डिभिजन कार्यालय विराटनगरमा ठेक्का पावतको रकम भुक्तानी लिन घरबाट गएका उनी अहिलेसम्म सम्पर्कमा छैनन् ।
मंगलवार बिहान ८ बजेदेखि घरबाट निस्किएका अनोजको मोबाइल फोन झापाको मेचिनगर नगरपालिका स्थित नेपाल–भारत सिमानाको काकडभिट्टाबाट अफ भएको बताइएको छ । मंगलवार १२ बजे अनोजकै मोबाइलबाट श्रीमतीको मोबाइलमा ‘अनोज मसँग छ, पछि कल गरौला बाई’ भन्ने मयाजेस आएको बुवा रमेश भट्टराईले बताएका छन् ।
अनोज बेपत्ता भएपछि अपहरणको आशंकामा परिवारले खोजतलास गर्न इलाका प्रहरी कार्यालय धरानमा जाहेरी दिएको छ ।
निर्माण व्यवसायी अनोज बेपत्ता भएको जाहेरी परेपछि इलाका प्रहरी कार्यालय धारन र प्रहरीको प्रदेश कार्यालयबाट विशेष टोली खोजतलासमा परिचालन गरिएको धरानका डिएसपी सुमन तिम्सिनाले बताए ।
उनले अनोज घपरिवारबाट सम्पर्क विहीन भएको विषयमा अनुसन्धान भइरहेको उनको भनाइ छ । अनोज बेपत्ता भएपछि धरान–१४ का वडाअध्यक्ष कृष्ण भट्टराईले आफू पनि खोजी कार्यमा लागेको बताएका छन् । अनोज सम्पर्क विहीन भएपछि परिवारका सदस्यहरुले उनी अपहरणमा परेको हुनसक्ने आशंका गर्दै चिन्ता व्यक्त गरेका छन् ।
प्रतिक्रिया दिनुहोस !
