धरान : सुनसरीको बराहक्षेत्र नगरपालिका–५ स्थित चारकोसे जङ्गलमा रुखबाट लडेर एकजनाको मृत्यु भएको छ। शनिबार घाँस काट्न गएका ४८ वर्षीय दुर्गाबहादुर गुरुङकाे कुम्बीको रुखमा घाँस काट्ने क्रममा लडेर मृत्यु भएको हो।
१८ वर्षीय छोरी तनिसा गुरुङसंगै घाँस काट्न गएका बाबुको लडेर मृत्यु भएपिछ छोरीले घरमा खबर गरेकी थिइन्। घटनापश्चात खबर पाएपछि इलाका प्रहरी कार्यालय महेन्द्रनगरको प्रहरी टोली घटनास्थलमा पुगेको थियो।
घटना बारे थप अनुसन्धान भैरहेको जिल्ला प्रहरी कार्यालय सुनसरीका डिएसपी ज्ञानेन्द्र फुयालले बताएका छन्। मृतकको शव पोस्टमार्टमका लागि बीपी कोइराला स्वास्थय विज्ञान प्रतिष्ठान धरान ल्याइएको छ।
प्रतिक्रिया दिनुहोस !
