काठमाडौं : डा. गोविन्द केसीको पक्षमा प्रदर्शन गरिरहेका विवेकशील नेपाली दलका नेता तथा कार्यकर्तालाई नयाँ बानेश्वरबाट प्रहरीले पक्राउ गरेको छ ।
अनशनरत ड. गोविन्द केसीको पक्षमा संघीय संसद अगाडि नारावाजी गरेपछि १८ जना नेता तथा कार्यकर्तालाई प्रहरीले पक्राउ गरेको हो । डा. केसीसँग सरकारले गरेका सम्झौता लागु गर्नुपर्ने लगायत माग राख्दै आन्दोलन गरिरहेको अवस्थामा उनीहरु पक्राउ परेका हुन् । विवेकशील नेपाली दलका नेता मिलन पाण्डेका अनुसार उनीहरुलाई अहिले भृकुटीमण्डपस्थित महेन्द्र पुलिस क्लबमा थुनिराखेको छ ।
चिकित्सा शिक्षा विधेयक आज संसदमा टेबुल गर्ने तयारी गरिरहँदा विधेयक डा. केसीसँग सम्झौताविपरित रहेको भन्दै नयाँ बानेश्वसमा उनका समर्थकले सरकारविरुद्ध आन्दोलन गरिरहेका छन् । डा केसीकाे पक्षमा प्रदर्शन गरिरहेकाे अवस्थामा चिकित्सकहरुलाई समेत प्रहरीले पक्राउ गरेकाे छ ।
प्रतिक्रिया दिनुहोस !
