विराटनगर : विराटनगर १५ मा स्कुटरको साइड प्यानलबाट प्रहरीले लागुऔषध बरामद गरेको छ।को २१ प ९८९६ नम्बरको स्कुटरको साइड प्यानलमा लुकाएर राखेको अवस्थामा लागुऔषध बरामद भएको प्रहरीले जनाएको छ।
सुनसरीको धरान उपमहानगरपालिका-३ का ३२ वर्षीय संजयकुमार ठाकुरले चलाउँदै गरेको स्कुटलाई प्रहरीले सोमबार राति ८ बजे विराटनगर भन्सार कार्यालयको १ नम्बर ढाट नजिकबाट नियन्त्रणमा लिएको हो।
विशेष सुराकीका आधारमा लागुऔषध नियन्त्रण व्युरो विराटनगरबाट खटिएको प्रहरी टोलीले ठाकुरसहित स्कुटर नियन्त्रणमा लिएको हो। स्कुटर चलाएर भारतको जोगवनीबाट नेपालतर्फ आउँदै गरेका ठाकुरले लागुऔषध लिएर आएको सूचना प्रहरीलाई पुगेको थियो।
प्रहरीका अनुसार स्कुटरको साइड प्यानलबाट एभिल ५० एम्पुल, लुपिजेसिक ५० एम्पुल र डाइजेल्याव ५० एम्पुल फेला परेको छ। इलाका प्रहरी कार्यालय रानीले ठाकुरमाथि थप अनुसन्धान भइरहेको प्रहरीले जनाएको छ।
प्रतिक्रिया दिनुहोस !
