विराटनगर : मोरङको सुनवर्षी नगरपालिका–६ स्थित भित्री सडक खण्डमा मंगलबार दिउसो सिटी सफारी दुर्घटना हुँदा एक जनाको मृत्यु भएको छ ।
पूर्वबाट पश्चिमतर्फ जाँदै गरेको को १ ह ६८४६ नम्बरको सिटी सफारी गुडिरहेको अवस्थामा अनियन्त्रित भइ दुर्घटना हुँदा सुनवर्षी–९ खुनियाबारीका २४ वर्षीय सूर्यनारायण पासवानको मृत्यु भएको प्रहरीले जनाएको छ ।
मोरङ प्रहरीका प्रवक्ता डिएसपी घनश्याम श्रेष्ठका अनुसार दुर्घटनामा परेर सिटी सफारीमा सवार पासवान घाइते भएको र उनको उपचारका क्रममा कोसी अञ्चल अस्पताल विराटगनरमा मृत्यु भएको हो । प्रहरीले घटनाका बारेमा अनुसन्धान सुरु गरिएको जनाएको छ ।
प्रतिक्रिया दिनुहोस !
