रोल्पा : ६५ वर्षीय मदु रावत घर नजिकै वेवारिसे अवस्थामा मृत भेटिएका छन्। रोल्पा नगरपालिका-४ तित्रीकोटका रावत मंगलबार साँझ मृत फेला परेका हुन्।साँझमा घरमा रावत नदेखिएपछि परिवारले खोजि गरेका थिए।
परिवारले घर वरपर खोजि गर्दा भिरालो जमिनमा मृत अवस्थामा फेला परेका थिए। घरदेखि करिब ३० मिटर टाढाको भिरालो जमिनमा उनी पल्टिएको अवस्थामा देखेपछि परिवारले प्रहरीलाई खबर गरेका थिए।
जिल्ला प्रहरी कार्यालयबाट प्रहरी निरीक्षक लिलाराम आचार्यको नेतृत्वमा प्रहरी टोली गाउँ पुगेको थियो। प्रहरीका अनुसार मृतक रावतको नजिकै मिनरल पानीको खाली बोत्तल फेला परेको थियो। मृतको मुखबाट फिज निस्किएको पाइएको छ। के कति कारणले मृत्यु भएको हो सो बारे अनुसन्धान भइरहेको प्रहरीले बताएको छ।
पोष्टमार्ट पछि परिवारले शव बुझिसकेको प्रहरीले जनाएको छ।करिब एक हप्ताअघि १४ वर्षीय बालक पनि माडीचौरको कुलोमा मृत भेटिएको थिए।
प्रतिक्रिया दिनुहोस !
