राजविराज : साइकलमा ठोक्किएर अनियन्त्रित भई पुलमा ठोक्किन पुगेको एक मोटरसाइकल चालकको सप्तरीमा मृत्यु भएको छ ।
कञ्चनरुप नगरपालिका–१२ स्थित पूर्व–पश्चिम राजमार्गमा साइकललाई ठक्कर दिई दुर्घटनामा पर्दा गम्भीर घाइते भएका मोटरसाइकल चालक सोही ठाउँका २१ वर्षीय विश्वराज राईको मृत्यु भएको इलाका प्रहरी कार्यालय कञ्चनरुपले जनाएको छ ।
उपचारका लागि गएराति राजविराजस्थित गजेन्द्रनारायण सिंह सगरमाथा अञ्चल अस्पतालमा उपचारार्थ भर्ना भएका राईको मृत्यु भएको एसपी राजेन्द्र विष्टले बताए ।
राई सवार स.३ प. ३६५२ नम्बरको मोटरसाईकलले पश्चिमबाट पूर्वतर्फ जाँदै गरेको दुईवटा साइकललाई पछाडिबाट ठक्कर दिई दुर्घटनामा परेको प्रहरीले जनाएको छ । दुर्घटनामा सामान्य घाइते भएका साईकल चालकहरु कञ्चनरुप ३ का ४४ वर्षीय श्यामकुमार चौधरी र कञ्चनरुप ५ का २३ वर्षीय सुनिल सदाको वायाँ हातमा चोट लागेको छ । उनीहरुको कञ्चनरुप ठेलियास्थित धर्मेश्वर अस्पतालमा उपचार भइरहेको छ ।
प्रतिक्रिया दिनुहोस !
