राजविराज : नेपाली कांगेसको भ्रातृ संगठन नेपाल विद्यार्थी संघका कार्यकर्ताहरुले शुक्रबार साँझ राजविराजमा प्रदर्शन गर्दै प्रधानमन्त्री केपी शर्मा ओलीको पुत्ला दहन गरेका छन् ।
‘डा केसीको माग पूरा गर’ नारा लगाउँदै मसाल जुलुससहित चोकमा जम्मा भएका प्रदर्शनकारीहरुले प्रधानमन्त्री ओलीको पुत्ला जलाएर सरकार विरुद्ध नाराबाजी गरे ।
विद्यार्थीले पुत्ला जलाउन सुरु गरेपछि प्रहरीले हस्तक्षेप गरी पुत्ला नियन्बणमा लिएको छ । १६औं चरणको आमरण अनसनमा बसेको २४औं दिनसम्म पनि सरकारले डा. केसीको माग सम्बोधन नगरेकाले प्रदर्शनसहित पुत्ला जलाइएको नेविसंघका रामचन्द्र यादवले बताए । यस क्रममा प्रदर्शनकारी र प्रहरीबीच सामान्य घम्साघम्सी भएपछि प्रदर्शनकारी तितरबितर भएका छन् ।
प्रतिक्रिया दिनुहोस !
४
