भरतपुर : चितवनमा मिनीबसको ठक्करबाट आज बिहान एक वृद्धाको मृत्यु भएको छ। बा ३ ख २५६५ नं को स्थानीय रुटमा चल्ने मिनीबसले पैदलयात्री राप्ती नगरपालिका–४ डुडुवा चोककी करीब ७५ वर्षीया लीलामाया हुमागाईंलाई ठक्कर दिँदा मृत्यु भएको हो।
पूर्वी चितवनको टाँडीबाट लोथरतर्फ जाँदै गरेको मिनिबसले ठक्कर दिँदा उनको घटनास्थलमै मृत्यु भएको जिल्ला प्रहरी कार्यालय चितवनले जानकारी दिएको छ। ठक्कर दिने बस प्रहरी निन्त्रणमा लिएको छ । बस चालक फरार भएपनि प्रहरीको सम्पर्कमा रहेको इलाका प्रहरी कार्यालय भण्डाराले जानकारी दिएको छ। हुमागाईंको शव परीक्षणका लागि भरतपुर अस्पतालमा राखिएको छ।
प्रतिक्रिया दिनुहोस !
