पूर्वाधार बैंकलाई संचालन अनुमति

काठमाडौं : राष्ट्र बैंकको बिहीबार बसेको संचालक समितिको बैठकले पूर्वाधार विकास बैंक संचालन अनुमति दिने निर्णय गरेको छ ।  बैंक संचालक समितिले निर्णय गरेपनि माइनुट लेख्न भने वाँकी रहेको राष्ट्र बैंकका डेपुटी गर्भनर चिन्तामणि शिवाकोटीले बताए । ‘माइनुट लेखेर सबैले हस्ताक्षर गर्न भने वाँकी छ’, उनले भने ।

राष्ट्र बैंकले बैंक संचालन अनुमति दिएपछि २० अर्ब रुपैयाँ चुक्ता पुँजी भएको नेपालकै ठूलोे पूर्वाधार विकास बैंक संचालनमा आउनेछ । पूर्वाधार विकास बैंक संचालनका आवश्यक तयारी सम्पन्न भएको भइसकेको छ । सार्वजनिक निजी–साझेदारी मोडलमा स्थापना हुन लागेको पूर्वाधार विकास बैंकमा नेपाल सरकारको १० प्रतिशत सेयर स्वामित्व रहेको छ । बैंकमा ३० प्रतिशत सर्वसाधारणको सेयर रहने छ भने कर्मचारी संचयकोष र नागरिक लगानी कोषको १०/१० प्रतिशत सेयर स्वामित्व रह्ने छ ।