दमौली : म्याग्दे गाउँपालिका-३ धयँरेमा यात्रुवाहक हायस माइक्रो र पर्यटक जिप ठोकिँदा एक विदेशी पर्यटकसहित १३ जना गम्भीर घाइते भएका छन्। तीव्र गतिमा काठमाडौंबाट पोखरातर्फ गैरहेको बा ३ ख १०५९ नम्बरको हायसले गलत दिशामा गएर पोखराबाट काठमाडौं जाँदै गरेको ग १य १०४८ नम्बरको पर्यटक सवार जीपलाई ठक्कर दिएको थियो।
घटनामा परी हायसमा सवार एक बालकसहित १० जना घाइते भएको प्रहरीले जनाएको छ। घाइतेको पोखरामा उपचार भैरहेको ट्राफिक प्रहरी प्रमुख पूर्णबहादुर अधिकारीले जानकारी दिए।
घटनामा पर्यटक सवार जीपमा सवार एक विदेशी पर्यटकसहित तीन घाइते भएका छन्। घाइतेहरु सबैको पोखरामा उपचार भैरहेको प्रहरीले जनाएको छ। घटनामा अन्य थप केही यात्रु सामान्य घाइते भएकामा उनीहरु भने घर फर्केको ट्राफिक प्रमुख अधिकारीले बताए।
प्रतिक्रिया दिनुहोस !
