दमक : प्रतिनिधीसभाकी उपसभामुख डा. शिवमाया तुम्बाहाम्फेले सरकारका तीनै तहले एकआपसमा समन्वयकारी भुमिका खेल्नुपर्ने बताएकी छन् ।
स्थानीय तह, प्रदेश सरकार र संघीय सरकारबीच अधिकार र कार्यक्षेत्रलाई लिएर विवाद देखिरहेको बेला उनले यस्तो बताएकी हुन् ।
आइतबार उर्लाबारी नगरपालिकाको स्थानीय राजपत्र सार्वजनिक कार्यक्रमलाई सम्बोधन गर्दै उनले तीन तहका सरकारबीच सहकार्य नहुँदा यसको असर प्रत्यक्ष रुपमा विकास निर्माणमा पर्ने बताइन् ।
उर्लाबारी नगरपालिकाको राजपत्रले जनतालाई अधिकारसम्पन्न बनाउनेमा आफू आशावादी रहेको उनको भनाइ थियो । कार्यक्रममा नगरका प्रमुख खड्ग फागोले स्थानीय तहका समस्याका बारेमा उपसभामुखको ध्यानाकर्षण गराएका थिए । उर्लाबारी नगरपालिकाले सार्वजनिक गरेको राजपत्रमा ७ वटा ऐन, ५ नियमावली, २ निर्देशिका, १ आचारसंहिता र १४ वटा कार्यबिधि छन् ।
प्रतिक्रिया दिनुहोस !
