काठमाडौं : क्रेजी इन्टरटेन्मेन्टको ब्यानरमा निर्मित चलचित्र ‘पुरानो बुलेट’को ट्रेलर सार्वजनिक भएको छ । काठमाडौँमा आइतवार पत्रकार सम्मेलन गरेर ट्रेलर सार्वजनिक गरिएको हो ।
चैत १ गतेलाई प्रदर्शन मिति घोषणा गरिएको चलचित्र ‘पुरानो बुलेट’को ट्रेलरमा पूर्वका एक युवक प्रताप (अनुपविक्रम शाही)को जीवनमा आउने उतरचढावमा आधारित छ ।
चलचित्रको ट्रेलरमा एक्सन, प्रेम, रोमान्स, रोदन र कमेडी समेटिएको छ । यसका साथै ट्रेलरमा अनुपको बाइक स्टन्ट पनि देख्न सकिन्छ । ट्रेलरमा अनुप र वर्षालाई ‘बुलेट राजा’, ‘बुलेट रानी’को रुपमा परिचय गराइएको छ ।
लामो समयदेखि पत्रकारितामा सक्रिय भीषण राईको निर्देशनमा बनेको चलचित्रको ट्रेलरमा प्रयोग गरिएका संवाद र ठेट पुर्वेली शब्दहरु दर्शकलाई नौलो लाग्न सक्छ ।
चलचित्रमा अनुपविक्रम शाही, वर्षा सिवाकोटी, माला लिम्बु, कृष्ण भक्त महर्जन, कविता आले, शिव मुखिया, भारत लिम्बु, शिरोमनी दवाडी, बादल श्रेष्ठ, करण धिताल, अशोक कुमार राई, टीकाराम राई लगायतको अभिनय छ ।
चलचित्रको कथा–पटकथा निर्देशन स्वयम् भीषण र कार्यकारी निर्माता सन्तोष राईले लेखेका हुन् । चलचित्रलाई अशोक कुमार राई, दीपेन्द्र लिम्बु, विरेन साम्बा र टिकाराम राईले संयूक्ता निर्माण गरेका हुन् ।
यसमा हरि घले लामाको छायांकन, उत्तमजंग लिम्बु र जयन जे वाइबाकोे संगीत, राजेशपायल राई, मेलिना राई, जयन जे वाइबा र उत्तमजंग लिम्बुको गायन रहनेछ । यस चलचित्रको कोरियोग्राफी प्रशान्त तामाङले गर्नेछन् ।
ट्रेलर हेर्नुहोस्
प्रतिक्रिया दिनुहोस !
