पाँचथर : फिदिम नगरपालिका–३ लालिखर्कमा स्कुटरले ठक्कर दिँदा एक जनाको मृत्यु भएको छ ।
मेची राजमार्गस्थित सडकमा हिँडिरहेका लालिखर्क–३ निवासी गोपाल राईलाई टंक श्रेष्ठ सवार मे ४ प २५७३ नम्बरको स्कुटरले ठक्कर दिएपछि गम्भीर घाइते भएका थिए ।
घाइते राईको फिदिमस्थित समर्पित अस्पतालमा उपचार गर्दागर्दै मृत्यु भएको जिल्ला प्रहरी कार्यालय पाँचथरका प्रहरी निरीक्षक अनील कुरमा पौडेलले जानकारी दिए ।लालिखर्क निवासी स्कुटर चालक टंक श्रेष्ठ पनि दुर्घटनामा घाइते छन् । टाउकोमा चोट लागेका श्रेष्ठको फिदिमस्थित समर्पित अस्पतालमा उपचार भइरहेको छ ।
प्रतिक्रिया दिनुहोस !
