काठमाडौँ : २००७ सालका क्रान्ति योद्धा रामप्रसाद राईको स्मृति तथा ६९ औँ प्रजातन्त्र दिवसका अवसरमा मंगलबार रक्तदान कार्यक्रम गरिएको छ ।
मंगलबार बिहान राजधानीको बालकुमारीस्थित ब्लड बैंक परिसरमा आयोजित कार्यक्रममा ४५ जनाले रक्तदान गरेको रामप्रसाद राई फाउन्डेसनकी अध्यक्ष सुष्मा राईले जानकारी दिइन् ।
अध्यक्ष राईले फाउन्डेसनलाई सामाजिक काममा सक्रिय गराउने क्रममा रक्तदान कार्यक्रम आयोजना गरिएको बताइन् ।
क्रान्तिकारी योद्धा राईको जन्म वि.सं. १९६५ फागुन १८ गते भोजपुरको बसखोरा भएको थियो । पूर्व ब्रिटिस सेना राई पूर्वका भोजपुरसहितका जिल्लाबाट २००७ सालको प्रजातान्त्रिक आन्दोलनका एक कमाण्डर र योद्धा थिए ।
प्रतिक्रिया दिनुहोस !
