संसद्मा प्रश्न : मेलम्ची आयोजना भ्रष्टाचारी को ? मन्त्री कि सचिव ?
फागुन १०, २०७५ शुक्रबार १३:५७:०
काठमाडौँ : सांसद्हरुले बहुप्रतिक्षित मेलम्ची खानेपानी आयोजनामा भएको अनियमितताबारे प्रतिनिधि सभामा प्रश्न उठाएका छन् ।
खानेपानी मन्त्रालयका गतिविधिबारे जबाफ दिन उपस्थित मन्त्री बीना मगरसँग प्रश्न गर्दै सांसदहरुले मेलम्ची आयोजनामा भएको भनिएको भ्रष्टाचारबारेमा प्रश्न उठाएका हुन् ।
प्रतिनिधि सभामा मन्त्री मगरलाई प्रश्न गर्दै कांग्रेसका सांसद गगनकुमार थापाले मेलम्चीलाई लिएर खानेपानी मन्त्री मगर र तत्कालीन सचिव (हाल नेपाल ट्रस्टमा सरुवा) गजेन्द्र ठाकुरबीचको जुहारीबारे जनताले बुझ्न चाहेको बताए ।
'मेलम्चीको खानेपानी योजनामा भ्रष्टाचार भयो भन्ने मन्त्री र सचिव बीच आरोप प्रत्यारोप भइरहेको छ', थापाले प्रश्न गरे, 'दोषी को हो हामीले जान्न पाउनु पर्छ, दोषीलाई कारबाही हुनुपर्छ ।'
थापाको प्रश्नको जबाफ दिँदै मन्त्री मगरले आफू मन्त्री भइसकेपछि हालसम्म ८४ करोड रुपैयाँ मात्रै भुक्तानी भएको बताउँदै एक अर्ब भ्रष्टाचार भयो भन्ने कुरा अफबाह मात्रै भएको बताइन् ।
प्रतिक्रिया दिनुहोस !
