अघिअघि जन्तीको नाचगान, पछिपछि सशस्त्रको स्कर्टिङ
फागुन १०, २०७५ शुक्रबार १९:४:०
धनगढी : जनप्रतिनिधिहरुले सरकारी गाडीको दुरुपयोग गरिरहेका बेला सशस्त्र प्रहरीका एकजना अधिकृतले पनि आफ्नो स्कर्टिङको गाडी आफन्तको बिहेमा लगाएका छन् । सशस्त्र प्रहरीका एसपी प्रदीप पालले हतियारसहितका जवान राखेर कार्यालयको गाडी आफन्तको बिहेमा लगेका हुन् ।
ना १ झ १४९७ नम्बरको साइरनसहितको सरकारी स्कारपियो पिकअप धनगढीको चौराहादेखि झण्डै डेढ किलोमिटर दुरीको ओम प्यालेससम्म नाचिरहेका जन्तीको पछिपछि हिँडेको देखेपछि पत्रकारको नजरमा परेको थियो ।
सरकारी सम्पत्ति निजी काममा प्रयोग गर्न नपाइने सरकारी नियम छ । पिकअप गाडीको पछाडि हतियारसहितका दुईजना जवान राखेर गाडीको अगाडिको सिटमा एसपीका बालबच्चासहितका आफन्त जन्ती गएका देखेपछि पत्रकारले पिछा गरेका थिए ।
काठमाडौं गोल्डेन्सको क्रिकेट टिमले डीपीएल वहिष्कार गरेपछि आयोजित पत्रकार सम्मेलनमा गइरहेको पत्रकारको टोलीले देखेपछि उक्त गाडी विवाहको लस्कर छोडेर ओम प्यालेसतिर हुइँकिएको थियो ।
बैतडीका पुर्व डिएसपीका छोरा रुपेश चन्दको विवाहमा एसपी पाल पनि सहभागी थिए । उनले गाडी मर्मतका लागि ल्याइएको बताउँदै जन्तीका कारण जाममा परेको भन्दै ढाँट्न खोजेका थिए । तर उक्त गाडी चौराहादेखि बिहेको जन्ती स्कर्टिङमा लगाएको देखेपछि पत्रकारले पिछा गरेका थिए ।
प्रतिक्रिया दिनुहोस !
