सिरहा : प्रहरीले लहान नगरपालिका- ८ स्थित भित्रि सडकखण्डमा सुराकीले दिएको सूचनाका आधारमा चेकजाँच गर्ने क्रममा एकजनालाई लागुऔषधसहित पक्राउ गरेका छन्। पक्राउ पर्नेमा सोही वडाका दिपेन्द्र कुमार मण्डल रहेको जिल्ला प्रहरी कार्यालय सिरहाका प्रवक्ता तथा डीएसपी माधवराज खरेलले जानकारी गराए।
उनका अनुसार पक्राउ परेका मण्डलको साथबाट नाइट्रोभेट ट्याब्लेट ३० चक्की, डाइजिल्याब ९ एम्पुल, फेनारगन ९ एम्पुल र नुफिन ९ एम्पुल बरामद भएको छ। पक्राउ परेका मण्डल उपर लागुऔषध मुद्दामा कारवाही प्रक्रिया अगाडी बढाएको उनले बताए। इलाका प्रहरी कार्यालय लहानको टोलीले उनलाई पक्राउ गरेको हो।
प्रतिक्रिया दिनुहोस !
