ललितपुर : नेपाली युवाहरुका लागि वैदेशिक रोजगारीका लागि आकर्षक गन्तब्यमध्ये एक हो दक्षिण कोरिया । शिक्षित र प्राविधिक ज्ञान भएका युवाहरुलाई कोरियाको रोजगारीले दिनदिनै तानिरहेको छ।
थोरै खर्चमा कोरियामा गतिलो आम्दानी गर्न पाइने भएपछि उच्च शिक्षा हाँसिल गरेका युवा पनि कोरियामा रोजगारीको सपना देखिरहेका हुन्छन् ।
कोरिया जाने भाषा परीक्षाका लागि कडा मेहनतका साथ पढ्नुपर्ने भएपछि युवाहरु कोरियन भाषाका पुस्तकको खोजी हुन्छन् । इपीएस भाषा परीक्षा पास गरेपछि मात्रै कोरिया जाने ढोका खुल्ने भएकाले कोरियन भाषाका पुस्तकका लागि युवाहरु मरिहत्ते गर्छन् ।
सोमबार त्यस्तै दृश्य ललितपुरको बालकुमारीस्थित इपीएस सेन्टर नेपालमा देखियो । जहाँ नि:शुल्क कोरियन भाषाका पुस्तक बाँडिने भएको थाहा पाएपछि सयौँ युवा लाइन बस्न पुगे ।
इपीएस सेन्टरले दिने पुस्तक कोरियन भाषा उत्तीर्ण गर्न सजिलो उपाय भएपछि युवाहरु यो पुस्तक लिनका लागि बिहानैदेखि लाइनमा लागेको देखिन्थ्यो ।
प्रतिक्रिया दिनुहोस !
