एनजिओमा जागिर लगाइदिने भन्दै बलात्कारको प्रयास गर्ने पक्राउ
फागुन १९, २०७५ आइतबार १९:८:०
विराटनगर : गैरसरकारी संस्था (एनजीओ) मा जागिर लगाइदिने प्रलोभन देखाएर विराटनगरमा एक युवतीमाथि बलात्कारको प्रयास गरिएको घटना सार्वजनिक भएको छ ।
फेसबुक मार्फत चिनजान गरेर सप्तरी घर भएका सन्तोषकुमार यादवले युवतीमाथि बलात्कारको प्रयास गरेको मोरङ प्रहरीका प्रवक्ता डीएसपी घनश्याम श्रेष्ठले बताए ।
उनका अनुसार फेसबुकबाट चिनजान भएको आधारमा जागिर लगाइदिने प्रलोभन देखाउँदै यादवले विराटनगर महानगरपालिका–५ उखुबारीमा लगेर युवतीलाई बलात्कारको प्रयास गरेका हुन् ।
बलात्कार प्रयास सफल नभएपछि यादवले युवतीसँग रहेको मोबाइल र पैसा समेत लुटेको डीएसपी श्रेष्ठले बताए । उनले लुटिएको मोबाइल र पैसा बरामद गरिसकिएको जानकारी दिए ।
युवतीमाथि बलात्कार प्रयास गर्नेलाई भने पक्राउ गरिएको जानकारी डीएसपी श्रेष्ठले दिए । पक्राउ परेका यादव विरुद्ध जवरजस्ती करण उद्योगको मुद्दा चलाउन अदालतबाट म्याद थप गरेर अनुसन्धान अघि बढाइएको प्रहरीले जनाएको छ ।
प्रतिक्रिया दिनुहोस !
